ಮರ್ದಿನಿಯಾಗಿ ಸ್ಯಾಂಡಲ್​ವುಡ್​ಗೆ ಎಂಟ್ರಿ ಸಕಲೇಶಪುರದ ಗ್ಲಾಮರ್ ಡಾಲ್ ರಿತನ್ಯಾ ಗೌಡ..!

ರಿತನ್ಯಾ, ಹೆಸರಿನ ತರನೇ ಸಖತ್​ ಕ್ಯೂಟ್​& ಗ್ಲಾಮರಸ್​ ಬ್ಯೂಟಿ. ರಿಯಾಲಿಟಿ ಶೋ, ಮಾಡೆಲಿಂಗ್​​ ಲೋಕದಲ್ಲಿ ಸಿಕ್ಕಾಪಟ್ಟೆ ಫೇಮಸ್​ ಆಗಿರುವ ಈ ಚಿಟ್ಟಿ, ಈಗ ಸ್ಯಾಂಡಲ್​ವುಡ್​ಗೆ ಎಂಟ್ರಿಕೊಡ್ತಿದ್ದಾರೆ. ಪಕ್ಕ ದೇಸಿ ಪ್ರತಿಭೆ ಆಗಿರುವ ರಿತನ್ಯ ಗೌಡ, ಹಾಸನದ ಸಕಲೇಶಪುರ ಮೂಲದ ಹುಡುಗಿ. ಬಣ್ಣದ ಜಗತ್ತಿನ ಮೇಲೆ ಕಲರ್​ಫುಲ್​ ಕನಸು ಕಂಡಿದ್ದ ಈ ಚೆಲುವೆ, ಸಿಲಿಕಾನ್​ ಸಿಟಿಗೆ ಬಂದು ಮೊದಲು ಮಾಡಲಿಂಗ್​ ಲೋಕಕ್ಕೆ ಹೋಗಿ, ಮಿಸ್​ ಸ್ಟೈಲ್​ ಕ್ವೀನ್​ ಅಂತ ಖ್ಯಾತಿ ಗಳಿಸಿ ತನ್ನ ಡಿಫ್ರೆಂಟ್​ ಮ್ಯಾನರಿಸಂ ಲುಕ್​ನಿಂದ ಕಿರೀಟ ಗೆದ್ದ ಬೆಡಗಿ..

ಈಗ ಮಾರ್ದನಿ ಅನ್ನೋ ಹೊಸ ಸಿನಿಮಾ ಮೂಲಕ ಸ್ಯಾಂಡಲ್​ವುಡ್​ ಸಖತ್​ ಮಾಸ್​ & ಕ್ಲಾಸ್​ ಲುಕ್​​ನಲ್ಲಿ ರಿತನ್ಯಾ ಬರ್ತಿದ್ದಾರೆ. ಹೊಸಬರಿಂದಲ್ಲೇ ಕೂಡಿರುವ ಈ ಆ್ಯಕ್ಷನ್​ ಥ್ರಿಲ್ಲರ್​ ಸ್ಟೋರಿಗೆ ರಿತನ್ಯಾ ಅವ್ರೆ ನಾಯಕಿ. ಮರ್ದಿನಿ ಪೊಲೀಸ್​ ಅಧಿಕಾರಿ ಆಗಿ, ದುಷ್ಟ ಸಂಹಾರ ಮಾಡೋಕೆ ಈ​ ನಾಯಕಿ ಹೊರಟಿದ್ದಾರೆ.

ಕಿರಣ್​ ಕುಮಾರ್​ ಅ್ಯಕ್ಷನ್ ಕಟ್​ ಹೇಳುತ್ತಿರುವ ಮರ್ದಿನಿ ಸಿನೆಮಾದಲ್ಲಿ ಅನೇಕ ಯುವ ಪ್ರತಿಭಗಳಿಗೆ ಅವಕಾಶ ಕೊಟ್ಟಿದ್ದಾರೆ. ಹಾಗೆ ಆಯ್ಕೆಯಾಗಿರುವವರಿಗೆ ತರಬೇತಿ ಕೊಟ್ಟು ಸಿನೆಮಾದಲ್ಲಿ ನಟಿಸಲು ಚಾನ್ಸ್​ ಕೊಟ್ಟಿದ್ದಾರೆ.

ಅಂದ್ಹಾಗೇ ರಿತನ್ಯಾಗೆ ಟಾಲಿವುಡ್​ ಕಾಲಿವುಡ್​ನಿಂದ ಸಿನೆಮಾಗಳಲ್ಲಿ ನಟಿಸುವ ಆಫರ್​ ಸಿಕ್ಕಾಪಟ್ಟೆ ಬಂದಿದ್ದರೂ ಮೊದಲು ಸಿನೆಮಾ ಕನ್ನಡದಲ್ಲಿಯೇ ಮಾಡಬೇಕೆಂಬುವುದು ಈ ಹಾಸನ ಬೆಡಗಿಯ ಆಸೆ. ಯಾಕಂದ್ರೆ ಕನ್ನಡದ ಹುಡುಗಿಯಾಗಿ ಕನ್ನಡ ಸಿನೆಮಾಗಳಲ್ಲಿ ಮೊದಲು ನಟಿಸಿ ಇಲ್ಲಿಂದಲೇ ತನ್ನ ಕೆರಿಯರ್​ ಶುರು ಮಾಡಬೇಕೆಂದು ರಿತನ್ಯಾ ಕನಸು. ಆದಷ್ಟು ಬೇಗ ಬೆಳ್ಳಿತೆರೆ ಮೇಲೆ ಕಾಣಿಸಿಕೊಳ್ಳುತ್ತೇನೆ. ನಿಮ್ಮ ಆಶೀರ್ವಾದ ಯಾವಾಗ್ಲು ಬೇಕು ಅಂತ ರಿತನ್ಯಾ ಕೇಳಿದ್ದಾರೆ.