ದೇವಕಿ’ ಸಿನಿಮಾದ ನಂತರ ಪ್ರಿಯಾಂಕಾ ಉಪೇಂದ್ರ ಯಾವ ಸಿನಿಮಾದಲ್ಲೂ ಕಾಣಿಸಿಕೊಂಡಿಲ್ಲ. ಸದ್ಯ ಪ್ರಿಯಾಂಕಾ ‘ಲೈಫ್ ಈಸ್ ಬ್ಯೂಟಿಫುಲ್’ ಸಿನಿಮಾದಲ್ಲಿ ನಟಿಸುತ್ತಿರೋದನ್ನ ರಿವೀಲ್ ಮಾಡಿದ್ದಾರೆ ಲೋಹಿತ್.
‘ನನ್ನ ನಿರ್ದೇಶನದ ಮೊದಲ ಚಿತ್ರಕ್ಕೆ ಪ್ರಿಯಾಂಕಾ ಉಪೇಂದ್ರ ಅವರು ನಾಯಕಿ ಆದ ಹಾಗೇ, ಮತ್ತೆ ನನ್ನ ಚೊಚ್ಚಲ ಪ್ರೊಡಕ್ಷನ್ನ ಚಿತ್ರ ‘ಲೈಫ್ ಈಸ್ ಬ್ಯೂಟಿಫುಲ್’ನಲ್ಲೂ ಅವರು ನಟಿಸುತ್ತಿರೋದು ನನಗೆ ಬಹಳ ಖುಷಿಯಾಗ್ತಿದೆ. ನನ್ನ ಸಿನಿ ಬದುಕಿನ ಪಯಣದ ಹಂತ ಹಂತದಲ್ಲೂ ಅವರ ಸಪೋರ್ಟ್ ಸಿಗ್ತಿರೋದು ತುಂಬಾ ಸಂತೋಷ ನೀಡ್ತಿದೆ. ನನ್ನ ಚೊಚ್ಚಲ ನಿರ್ದೇಶನದ ಚಿತ್ರ ‘ಮಮ್ಮಿ ಸೇವ್ ಮಿ’ಯಿಂದಲೂ ಅವರ ಸಪೋರ್ಟ್ ತುಂಬಾ ಇದೆ, ಆಗಿನ್ನೂ ನಾನು ಪ್ರಯತ್ನದ ಹಂತದಲ್ಲಿದ್ದೆ. ನನ್ನ ಮೇಲೆ ನಂಬಿಕೆ ಇಟ್ಟು, ನನಗೆ ಯಾವಾಗಲೂ ಸಪೋರ್ಟ್ ಮಾಡಿ ನನ್ನ ‘ಲೈಫ್ ಬ್ಯೂಟಿಫುಲ್’ ಮಾಡಿದ್ದಕ್ಕೆ ನಿಮಗೆ ನಾನು ಯಾವಾಗಲೂ ಚಿರರುಣಿ ಪ್ರಿಯಾಂಕಾ ಮೇಡಮ್’ ಅಂತಿದ್ದಾರೆ ಲೋಹಿತ್ ಮನು.
ಇನ್ನು, ‘ಲೈಫ್ ಈಸ್ ಬ್ಯೂಟಿಫುಲ್’ ಸಿನಿಮಾದಲ್ಲಿ ದಿಯಾ ಚಿತ್ರದ ನಾಯಕ ಪೃಥ್ವಿ ಅಂಬರ್ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರಿಯಾಂಕಾ ಉಪೇಂದ್ರ ಅವರ ‘ಕೆರೋಲಿನ್’ ಪಾತ್ರದ ಫಸ್ಟ್ ಲುಕ್ ಆದಷ್ಟು ಬೇಗ ರಿವೀಲ್ ಮಾಡೋದಾಗಿ ಲೋಹಿತ್ ತಿಳಿಸಿದ್ದಾರೆ. ಅರುಣ್ ಕುಮಾರ್ ಹಾಗೂ ಸಬೂ ಅಲೋಶಿಯಸ್ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದು, ಕಿಶೋರ್ ನರಸಿಂಹ ಹಾಗೂ ಬಿಜಿ ಅರುಣ್ ಹೂಡಿಕೆ ಮಾಡಿದ್ದಾರೆ. ಚಿತ್ರದ ಶೂಟಿಂಗ್ ಸದ್ಯ ಬೆಂಗಳೂರಿನ ರಾಮೋಹಳ್ಳಿಯ ಫಾರ್ಮ್ಹೌಸ್ವೊಂದರಲ್ಲಿ ನಡೆಯುತ್ತಿದೆ. ಪ್ರಿಯಾಂಕಾ ಉಪೇಂದ್ರ ತಮ್ಮ ಭಾಗದ ಶೂಟಿಂಗ್ ಶುರು ಮಾಡಿದ್ದಾರೆ ಅನ್ನೋ ಮಾಹಿತಿ ಸಿಕ್ಕಿದೆ.