ಎಪ್ರಿಲ್ 1 ರಿಂದ‌ ಡ್ರೈವರ್​ ಸೀಟ್​ ಜೊತೆಗೆ, ಪ್ಯಾಸೆಂಜರ್ ಸೀಟ್​ಗೂ ಏರ್​ಬ್ಯಾಗ್ ಕಡ್ಡಾಯ

ನವದೆಹಲಿ: ಇನ್ಮುಂದೆ ಹೊಸ ಕಾರ್​​ಗಳಲ್ಲಿ ಮುಂಭಾಗದ ಎರಡೂ ಸೀಟ್​​ಗಳಲ್ಲಿ ಏರ್​​ಬ್ಯಾಗ್ಸ್​ ಇರೋದು ಕಡ್ಡಾಯ. ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಇಂಥದ್ದೊಂದು ಹೊಸ ರೂಲ್ಸ್​ ತಂದಿದ್ದು, ಈ ಸಂಬಂಧ ಗೆಜೆಟ್​ ನೋಟಿಫಿಕೇಷನ್ ಹೊರಡಿಸಿದೆ. 2021, ಏಪ್ರಿಲ್ 1ರಿಂದ ಈ ನಿಯಮ ಜಾರಿಗೆ ಬರಲಿದೆ.

ಹೊಸ ಕಾರುಗಳು ಫ್ರಂಟ್​​ಸೀಟ್​​ ಪ್ರಯಾಣಿಕರಿಗೆ ಸ್ಟ್ಯಾಂಡರ್ಡ್ ಫಿಟ್‌ಮೆಂಟ್‌ನಂತೆ ಎರಡು ಏರ್‌ಬ್ಯಾಗ್‌ಗಳನ್ನು ಹೊಂದಿರಬೇಕು. ಇನ್ನು 2021, ಏಪ್ರಿಲ್ 1ರ ನಂತರ ತಯಾರಾಗುವ ಕಾರ್​ಗಳು ಹಾಗೂ ಈಗಾಗಲೇ ಅಸ್ತಿತ್ವದಲ್ಲಿರುವ ಕಾರ್​ಗಳನ್ನ 2021ರ ಆಗಸ್ಟ್​ 31ರಿಂದ ಎರಡು ಏರ್​​ಬ್ಯಾಗ್​​ಗಳೊಂದಿಗೆ ಮಾರಾಟ ಮಾಡಬೇಕು. ಡ್ರೈವರ್​ ಸೀಟ್​ ಜೊತೆಗೆ, ಮುಂಭಾಗದ ಮತ್ತೊಂದು ಪ್ಯಾಸೆಂಜರ್ ಸೀಟ್​ಗೂ ಏರ್​ಬ್ಯಾಗ್ ಅಳವಡಿಸಬೇಕು ಎಂದು ಸೂಚಿಸಲಾಗಿದೆ.

ಈ ಪ್ರಮುಖ ಸುರಕ್ಷತಾ ಕ್ರಮವನ್ನ ಕಡ್ಡಾಯವೆಂದು ಪರಿಗಣಿಸಲಾಗಿದೆ. ರಸ್ತೆ ಸುರಕ್ಷತೆ ಕುರಿತು ಸುಪ್ರೀಂ ಕೋರ್ಟ್ ಕಮಿಟಿ ನೀಡಿದ ಸಲಹೆ ಆಧಾರದ ಮೇಲೆ ಈ ನಿಯಮ ರೂಪಿಸಲಾಗಿದೆ ಎಂದು ವರದಿಯಾಗಿದೆ.

Government has made it mandatory for vehicle manufacturers to fit airbag for the person occupying the front seat other than the driver.

It is applicable on vehicles manufactured on & after 1st
April, 2021 in case of new models, & 31st August, 2021 in case of existing models.

— MORTHINDIA (@MORTHIndia)