ಈ ಫೀಚರ್ ಗಳು ಈಗಾಗಲೇ ವಾಟ್ಸ್ ಆಪ್ ನಲ್ಲಿ ದ್ದು, ಬಳಕೆದಾರರು ಈ ಆಪ್ ನಲ್ಲಿ ಉಳಿಯುವಂತೆ ಸಿಗ್ನಲ್ ನಲ್ಲಿ ಇದನ್ನು ತರುವುದು ಅಗತ್ಯವಾಗಿತ್ತು. WABetaInfo ನ ಒಂದು ವರದಿಯ ಪ್ರಕಾರ, ಸಿಗ್ನಲ್ 5.3.1 ನ ಆಂಡ್ರಾಯ್ಡ್ ಆವೃತ್ತಿಯು ಹೊಸ ಚಾಟ್ ವಾಲ್ ಪೇಪರ್ ಫೀಚರ್ ಅನ್ನು ಹೊಂದಿದೆ. ಈ ಹೊಸ ಸಿಗ್ನಲ್ ವೈಶಿಷ್ಟ್ಯವನ್ನು ಬಳಸಲು, ಬಳಕೆದಾರರು ಅದರ ಸೆಟ್ಟಿಂಗ್ಸ್ ಗೆ ಹೋಗಿ ಅಲ್ಲಿ Appearance ಆಯ್ಕೆಯನ್ನು ಕ್ಲಿಕ್ ಮಾಡಬೇಕು. ನಂತರ ಚಾಟ್ ವಾಲ್ ಪೇಪರ್ ಗೆ ಹೋಗಿ ಅಲ್ಲಿ ನೀವು 21 ಪ್ರೀ-ಸೆಟ್ ವಾಲ್ ಪೇಪರ್ ಗಳನ್ನು ಕಾಣಬಹುದು. ಕಡಿಮೆ-ಡೇಟಾ ಮೋಡ್ ಈಗಾಗಲೇ ವಾಟ್ಸಾಪ್ ನಲ್ಲಿ ಇರುವ ಲೋ-ಡೇಟಾ ಮೋಡ್ ಕೂಡ ಸಿಗ್ನಲ್ ಆಪ್ ನಲ್ಲಿ ಸೇರ್ಪಡೆಯಾಗಿದ್ದು, ಇಂಟರ್ನೆಟ್ ಡೇಟಾದಲ್ಲಿ ಸೇವ್ ಮಾಡಲು ಅವಕಾಶ ನೀಡುತ್ತದೆ. ಇದೇ ವೇಳೆ, ಹಂಚಿಕೊಳ್ಳಲು ಸಾಧ್ಯವಾಗುವ ಗ್ರೂಪ್ ಇನ್ ವೈಟ್ ಲಿಂಕ್ ಅನ್ನು ಸಹ ನೀಡಲಾಗಿದೆ.