ಮಾದಕ ವಸ್ತು ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿ ರಾಗಿಣಿ ಹಾಗೂ ಸಂಜನಾ ಗಲ್ರಾನಿ ಅವರನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ. ನಿನ್ನೆ ರಾತ್ರಿ ಈ ಇಬ್ಬರೂ ನಟಿಯರು ಮೂವರು ಮಹಿಳಾ ಪೊಲೀಸರ ಜೊತೆ ಸಾಂತ್ವನ ಕೇಂದ್ರದಲ್ಲಿ ಇರುವ ವ್ಯವಸ್ಥೆ ಮಾಡಿದ್ದರು. ಈಗ ರಾಗಿಣಿ ಹಾಗೂ ಸಂಜನಾ ಅವರ ಬೆಂಬಲಕ್ಕೆ ನಟಿ ಪಾರುಲ್ ಯಾದವ್ ಹಾಗೂ ಶ್ರುತಿ ಹರಿಹರನ್ ಬಂದಿದ್ದಾರೆ.ಭಾರತದಲ್ಲಿ ಡ್ರಗ್ ಮಾಫಿಯಾ ಜೊತೆ ಸಂಬಂಧ ಹೊಂದಿರುವವರು ಕೇವಲ ಈ ಮೂವರು ಮಹಿಳೆಯರು ಮಾತ್ರವೇನಾ..? ಬೇರೆ ಯಾರೂ ಇಲ್ಲವಾ..? ಕಾರ್ಪೊರೇಟ್ ಕಂಪನಿಯಲ್ಲಿರುವವರು, ಉದ್ಯಮಿಗಳು, ಕ್ರೀಡಾಪಟುಗಳು ಅಷ್ಟೇ ಯಾಕೆ, ಯಾವ ನಟರೂ ಡ್ರಗ್ ಸೇವಿಸಿಲ್ಲ ಹಾಗೂ ಸರಬರಾಜು ಮಾಡಿಲ್ಲವಾ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವ ಮೂಲಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ ಪಾರುಲ್ ಹಾಗೂ ಶ್ರುತಿ ಹರಿಹರನ್ಈ ವಿಷಯದಲ್ಲಿ ಲಿಂಗ ತಾರತಮ್ಯ ಆಗಿಲ್ಲ ಎಂದು ಖುಷಿ ಪಡಬೇಕಾ ಅಥವಾ ಹುಡುಗಿಯರನ್ನು ಎಷ್ಟು ಸರಳವಾಗಿ ಸಂಕಷ್ಟಕ್ಕೆ ಸಿಲುಕಿಸಬಹುದಲ್ಲ ಅಂತ ಅಳಬೇಕಾ? ಎಂದು ನಟಿ ಪಾರುಲ್ ಯಾದವ್ ಪ್ರಶ್ನಿಸಿದ್ದಾರೆ. ಪಾರುಲ್ ಅವರ ಈ ಪೋಸ್ಟ್ ಅನ್ನು ತಮ್ಮ ಇನ್ಸ್ಟಾಗ್ರಾಂ ಸ್ಟೋರೀಸ್ನಲ್ಲಿ ಹಂಚಿಕೊಂಡಿರುವ ಶ್ರುತಿ ಹರಿಹನ್, ನನ್ನದೂ ಇದೇ ಆಲೋಚನೆ ಎಂದು ಬೆಂಬಲಿಸಿದ್ದಾರೆ.
